Коронавирус дьаҥа өрөспүүбүлүкэҕэ туруоҕуттан, барыта 4422 киһи ыалдьыбыта бэлиэтэнэр. Бу туһунан бүгүн, от ыйын 4 күнүгэр, Ил Дархан Айсен Николаев брифиҥҥэ эттэ.
Бүтэһик хонукка уопсайа 57 киһи коронавирустаабыт. Мантан 49 — Дьокуускайга, 2 — Нерюнгрига уонна биирдиилээн алта улууска дьаҥнаабыттара бэлиэтэнэр диэтэ.
Бүгүҥҥү иһитиннэриинэн, 30 киһи туруга ыарахан, итинтэн 9 киһи ИВЛ аппараатыгар холбонон сытар. 173 киһи үтүөрэн балыыһаттан тахсыбыт.
Үтүөрүү төһө да элбээн эрэрин иһин, билигин да бу сыстыганнаах дьаҥтан сэрэнэр, ирдэбиллэри тутуһар наадатын бэлиэтээтэ.
+1
+1
+1
+1
+1
+1
+1