Күндү оскуоланы бүтэрээччилэр, эһигини Бүтэһик чуораан күнүнэн эҕэрдэлиибин! Төрөөбүт оскуолаҕытыттан үүнэн тахсар бырааһынньыктааҕы күн — барыбытыгар бэлиэ күн. Оскуолаҕа оҕо сааскыт тухары билиини эрэ ылбатыгыт, үчүгэйи уонна кэрэни, кырдьыгы уонна бэрээдэктээх буолууну сыаналыы үөрэннигит.
Быйыл “Бүтэһик чуораан” бырааһынньыга дойду бары үөрэнээччилэригэр олоҕурбатах ураты ньыманан барар. Төрөппүттэргэ, бэйэлэрин харыстаммакка оҕолорбут туһугар кыһамньыларын, онтон оҕолорго кытаанах быһыыгыт, тулуургут иһин истиҥ махталбын биллэрэбин. Бары тутуспутунан үөрэх дьылын ситиһиилээхтик түмүктээн эрэрбитигэр махтанабын.
Ытыктабыллаах учууталлар, бүгүҥҥү олох ирдэбилигэр сөп түбэһэр уонна бэриниилээх буолуугут, утумнаах-ситимнээх үлэҕит, ону кытта түргэн хамсаныыгыт түмүгэр, саҥа көлүөнэ эһиги ыллыктаах этиигитин ылынан, олоххо үктэнэн эрэр.
Күндү оскуоланы бүтэрээччилэр! Эһиги иннигитигэр үөрэҕи салгыыр, идэни ылар, олоххо бэйэ миэстэтин булунар сорук турар. Эһиги – биһиги инники кэскилбит, эрэлбит буолаҕыт! Сыллар-хонуктар ааһыахтара, сотору бэйэҕит исписэлиис аатын сүгүөххүт. Ханна да сырыттаргыт, ханна даҕаны үлэлээтэргит төрөөбүт өрөспүүбүлүкэҕит киэн туттарын курдук олороргут, үлэлииргит суолталаах. Билигин Сахабыт сирэ тэтимнээхтик сайдар. Эһиги, эдэр көлүөнэ эмиэ инникигит диэки хардыылыахтааххыт уонна сайдыахтааххыт.
Оҕолоор, ырыынак сыһыаннаһыытын кэмигэр билии бигэ туруктаах уонна тугунан даҕаны кэмнэммэт баайынан буоларын өйдүөх тустааххыт. Билиини олоххут тухары иҥэриниҥ!
Олоххут киэҥ аартыгар ситиһиилэри!
Ытыктабылы кытта СӨ Үөрэҕин уонна наукатын миниистирин эбээһинэһин толорооччу Михаил СИВЦЕВ.