Оскуола үөрэнээччилэригэр ыытыллар Бүтүн Арассыыйатааҕы бэрэбиэркэлиир үлэни (ВПР) кэлэр үөрэх дьылын саҥатыгар көһөрбүттэр. Ити туһунан СӨ Үөрэҕин уонна наукатын миниистирэ Владимир Егоров иһитиннэрдэ.
“РФ Үөрэҕириигэ министиэристибэтэ быһаарыытынан, 4-8 кылаастар ортолоругар сыллата ыытыллар Бүтүн Арассыыйатааҕы бэрэбиэркэлиир үлэ (ВПР) кэлэр үөрэх дьылын саҥатыгар көһөрдүлэр. Биир кэлим эксээмэн (ЕГЭ) уонна сүрүн судаарыстыбаннай эксээмэн (ОГЭ) болдьоҕор билиҥҥитэ уларыйыы суох”, — диэн миниистир Владимир Егоров эттэ. Аны күһүн үөрэх саҕаланыыта 5-9 кылааска тахсыбыттар туттарыахтара.
Ону таһынан, үөрэнээччилэр Бүтүн Арассыыйатааҕы олимпиадаларын түмүктүүр түһүмэҕэ быйыл буолбат диэн эттэ. Түмүктүүр түһүмэх кыттааччылара бары призер аатын ылыахтара, ону туоһулуур дипломнары тутуохтара диэн иһитиннэрдилэр.
Людмила ПОПОВА, edersaas.ru
+1
+1
+1
+1
+1
+1
+1