Бүтүн норуот талаана /А.С.Пушкиҥҥа ананар/

Ааптар: Эдэр Саас

Бөлөххө киир:

Нуучча чулуу бэйээтин
Аатын билэр Аан дойду,
Кылгас дьылҕа быһаарбат —
Үйэлэргэ сүппэт аат.

Араас омук барыта
Ааҕар кини хоһоонун,
Омук оруол оонньообот —
Таптал тыла өйдөнөр

Пушкин кылгас дьылҕата
Күлүм гыммыт кыл түгэн,
Хатыламмат талаана
Дьылга-күҥҥэ бэриммэт.

Сэриилэһэ да сылдьан,
Дуэль дэммит да буоллун
Пушкин курдук киһини
Ыппаппын дьэ биир бэйэм.

Айымньытын отойун
Аахпат, билбэт буолан дуу
Маннык курдук сүтүгү
Дантес дьоҥҥо оҥорбут!

Сүрэх, өй да ылыммат
Бүтүн норуот талаанын,
Үгүс киһи тапталын
Мэлиттэҕэ биир түгэн…

Полина-Победа
Уус Алдан
06.06.2022