Сэтинньи 14 күнүгэр Бүтүн Арассыыйатааҕы нэһилиэнньэ биэрэпиһэ түмүктэннэ.
Суолталаах тэрээһиҥҥэ 300 тыһыынчаттан тахса үлэһит (биэрэписчит, волонтер, программист, статистик) кытынна. Саха сиригэр биэрэпиһи ыытар пууннар алтынньыттан аһыллыбыттара.
Ил Дархан Айсен Николаев бэлиэтээбитинэн, биэрэпис чахчылара тирээн турар боппуруостары быһаарыыга, өрөспүүбүлүкэҕэ экэнэмиичэскэй уонна социальнай бырагыраамалары сайыннарыыга туһаныллыахтара.
Бастакы түмүгү биэрэпис иккис түһүмэҕэ саҕаланыытыгар бүгүн, сэтинньи 15 күнүгэр, Калининград куоракка оҥордулар. Онно биэрэпис бастакы түһүмэҕин хаамыытын, көстүбүт уустук боппуруостары хайдах быһаарбыттарын, ханнык эрэгийиэннэр көхтөөхтүк кыттыбыттарын, сыыппаранан үлэ хайысха көдьүүһүн ырыттылар, салгыы үлэлииргэ кэскиллээх тосхолу торумнаатылар.
Елена ПОТОЦКАЯ, “Саха сирэ” хаһыат, edersaas.ru