Бүтүн Арассыыйатааҕы «Экодежурный по стране» аахсыйаҕа Дьокуускай кытынна.
Арассыыйатааҕы хамсааһын көхтөөх кыттааччылара, оскуола үөрэнээччилэрэ уонна кадеттар СӨ Экология министиэристибэтин өйөбүлүнэн эрэгийиэҥҥэ ойууру чөлүгэр түһэрэр соруктаах, мас олортулар. Бу туһунан Ulus.media иһитиннэрэр.
«Экодежурный по стране» аахсыйа сылга иккитэ ыытыллар. Быйыл муус устар ыйга аахсыйаҕа 60 тыһыынчаттан тахса үөрэнээччи кыттыбыт, 60 туоннаттан тахса бөҕө-саҕы хомуйбуттар. Аахсыйаҕа РФ 75 эрэгийиэниттэн кыттыыны ылбыттар.
«Экодежурный по стране» күһүҥҥү түһүмэҕэ балаҕан ыйын 10 күнүттэн алтынньы 1 күнүгэр диэри салҕанар.
Дьокуускайга тэрээһин кадеттар оскуола-интэринээттэрин баазатыгар ыытыллыбыт. Аахсыйа быйыл сайын ойуур уотуттан эмсэҕэлээбит аар айылҕаны чөлүгэр түһэрэргэ көмөлөһөр сыаллаах-соруктаах тэриллибит.
+1
+1
+1
+1
+1
+1
+1