Тыа хаһаайыстыбата

«Бөртө» ньирэйдэрин кыстыкка көһөрдө

Көмүс күһүн ааһан, кэлэн иһэр кыһын бастакы илдьиттэрин ыытан, хаһаайыстыбалар сайылыктан кыстыкка көһөллөр.

Хаҥалас улууһун II Малдьаҕар нэһилиэгэр баар «Бөртө» сылгы собуота» хааччахтаммыт эппиэтинэстээх тэрилтэ (салайааччы Александр Павлов) 309 ньирэйин икки сиринэн сайылатта.

Ол курдук, Уу Көхсүн сайылыгар Софья Аркадьева, Герман Аргылов уонна Леонид Анастатов, оттон Куоһаҕаска Любомир Лотов уонна Дьулус Слепцов биирдии бэйэлэрэ нуорма быһыытынан 60-нуу ньирэйи көрдүлэр-иһиттилэр.

Сүөһү сайылыктан киирэрин көрсө хотоннор сөргүтүлүннүлэр

Кураан сайын буолан, мэччирэҥ төһө да мөлтөх буоллар, көрүү-истии күүһүнэн, ньирэйдэр көрүҥнэрэ куһаҕана суох. Ый ахсын ыытыллар ыйааһын көрдөрөрүнэн, ньирэй сууккатааҕы орто эбиллиитэ 600 грамм буолбут, бастыҥнар 800 грамҥа, өссө сороҕор биир киилэҕэ тиийэ эбиллибиттэр.

Ньирэйдэр кыстыктарын буллулар

Бэҕэһээ «бөртөлөр» ньирэйдэрин кыстыкка көһөрөн киллэрдиэр. Бу туһунан биһиэхэ биригэдьиир Ульяна Семенова кэпсээтэ уонна хаартыска ыытта. Сотору ыанньык пиэрмэтин көһөрүөхпүт диэтэ.

Раиса Сибирякова.

2
0