«Бөртө» сылгы собуотугар» саҥа гараас суһаллык тутулларыгар сорук туруорулунна.
Хаҥалас улууһун баһылыга Олег Иринеев Улахан Аан сэлиэнньэтигэр «Бөртө» сылгы собуота» ХЭУо көмөлөһөр туһунан суһал мунньах тэрийдэ.
—«Бөртө» оройуоҥҥа биир саамай күүстээх, үлэтигэр улахан үөрүйэхтээх, киэҥник биллибит сылгы собуотунан буолар. Билигин кинилэргэ көмөлөһөргө үлэ ыытыллар. Бу боппуруоска болҕомтобутун хайаан да уурдахпытына табыллар, — диир Олег Иринеев. Улуус баһылыга саҥа гарааһы түргэнник тутарга соруйда. Тутуу ороскуотун сорох чааһын улуус дьаһалтата толуйарын эттэ.
Санатан эттэххэ, тохсунньу 6 күнүгэр, сылгы собуотун тиэхиньикэтэ уокка былдьаммыта. Гарааска тыраахтардар, КамАЗ, УАЗ бааллара ыйыллар. Баһаар төрүөтүн быһаараллар.
«Хаҥалас улууһа» МТ пресс-киинэ
+1
+1
+1
+1
+1
+1
+1