Аллайыаха улууһун Бөрөлөөҕө киинтэн олус ыраах сытар. Ол да буоллар, нэһилиэк олохтоохторо (баһылык А.Николаев) ыраахпыт диэбэккэ, бары үэҕэ, тэрээһиҥҥэ олус көхтөөхтөр.
Бу күннэргэ Улуу Кыайыы 75 сылын көрсө уонна Ийэ дойдуга бэриниилээх буолуу сылынан, олохтоох бибилэтиэкэ уонна Бөрөлөөх нэһилиэгин бэтэрээннэрин сэбиэтин көҕүлээһиннэринэн,”Аҕа дойду Улуу сэриитин дьоруойдарыгар аныыбыт” диэн патриотическай аахсыйаны саҕалаатылар. Аахсыйаҕа кыттааччылар сэрии туһунан сахалыы, нууччалыы тылларынан ырыа ыллыахтаахтар эбэтэр хоһоон ааҕыахтаахтар. Ол толорууларын видеоҕа устуохтаахтар уонна маннык батсаабынан ыытыахтаахтар: 89841142571 89141006519.
— Бу аахсыйаҕа өрөспүүбүлүкэ олохтоохторун барыларын кыттарга ыҥырабыт. Видео-устууларгытын кэтэһэбит, — диэтэ биһиэхэ Чкалов сэлиэнньэтин бибилэтиэкэтин сүрүн үлэһитэ, биллэр уопсастыбаннай эколог Людмила Колесова.
Онон таһырдьа тахсыбакка олоруу кэмигэр бөрөлөөхтөрү өйөөҥ, бэйэҕит кыттыҥ, сэргэхситиҥ.
Женни СТРЮКОВА, “Саха сирэ “ хаһыат
Хаартыска: Л.В.Колесова ыытта.