Олунньу 1 күнүгэр Аллайыаха улууһун баһылыга Яков Гаврилович Елисеев 2021 сыллааҕы үлэтин түмүгүн отчуотун Бөрөлөөх нэһилиэгиттэн саҕалаата.
Улууспут кииниттэн вездеход көлөнөн 5 чаас айаннаан кэлэн оройуон борокуруора Александр Николаев, полиция начаалынньыгын солбуйааччы Алан Оразманбетов, Дьокутааттар улуустааҕы мунньахтарын бэрэссэдээтэлэ, Чокуурдаахтааҕы РЭС начаалынньыга Альберт Местников уонна үөрэх управлениетын начаалынньыга Ольга Ахновская бэйэлэрин тустаах үлэлэринэн кыттыыны ыллыллар. Хамсыктан сибээстээн маннык көрсүһүүлэр буолбатахтара ыраатан, олохтоохтор көхтөөхтүк кэллилэр. Отчуот сүнньүнэн сөптөөх ыйытыктар, хоруйдар, этиилэр киирдилэр.
Ону тэҥэ Яков Гаврилович үөрүүлээх түгэҥҥэ ытыктанар үлэ бэтэрээннэригэр улууспут үбүлүөйүгэр анаммыт «90 лет Аллаиховскому улусу(району)» бэлиэлэри Полина Спиридоновна Рожинаҕа уонна Елена Петровна Слепцоваҕа туттарда. “СӨ үөрэҕириитин үтүөлээх үлэһитэ” бочуоттаах ааты тус хоту сытар нэһилиэк үөрэҕин кыһатыгар өр сыллаах үлэтин уонна ситиһиилэрин иһин Надежда Константиновна Дьяконоваҕа туттарда.
Людмила Колесова,
Аллайыаха, Бөрөлөөх
Хаартыскалар ааптар тиксэриилэрэ