Хамсык кэмигэр хотугу уһук нэһилиэккэ бибилэтиэкэ хайдах үлэлии турарый? Аллайыаха улууһун Бөрөлөөх нэһилиэгин олохтоохторо төһө да тэйиччи олордоллор олус көхтөөхтүк араас тэрээһиннэргэ кытталлар.
Ол туһунан олохтоох бибилэтиэкэр Людмила Колесова маннык кэпсээтэ:
— 2020 сыл Аҕа дойду Улуу сэриитигэр Кыайыы 75 сылыгар анаммыт буолан, Аллайыаха улууһун Бөрөлөөх нэһилиэгин бибилэтиэкэтин иһинэн “Өйдөбүнньүк” (“Память”) диэн бырайыагынан араас тэрээһиннэр көхтөөхтүк ыытылыннылар. Быйыл хамсыктан сылтаан үлэбит үксүн куйаар ситимин нөҥүө барда. Ол курдук, “”Бессмертный полк: Навстречу Великой Победе”, “Письмо ветерану”, “Георгиевская ленточка”, “Прочитанная книга о войне – твой подарко ко дню Победы”.
“Аҕа дойду Улуу сэриитин дьоруойдарыгар ананар” ырыа-хоһоон күрэҕэр, “Помни войну” викторинаҕа улууспут олохтоохторо эмиэ кытыннылар. “К.М.Симонов. Биография и творчество”, “Дети и блокада”, “Герои и события Великой Отечественной”, “История парадов на Красной площади” курдук тиэмэлэргэ иһитиннэриилэри бибилэтиэкэ волонтера Илона Степанова бэлэмнээн, дьоҥҥо-сэргэҕэ кэпсээтэ.
“Саха сирэ 1941-1945 сс. Аҕа дойду Улуу сэриитин сылларыгар”, “Буойун суруйааччылар олохторо уонна айымньылара”, “Эдэр геройдар” курдук кинигэ быыстапкаларын ааҕааччылар олус сэргээбиттэрэ.
Онон бөрөлөөхтөр Кыайыы туһунан үгүс элбэҕи биллилэр-көрдүлэр.
Бэлэмнээтэ Женни Стрюкова
Хаартыска: Л.В.Колесова тиксэрдэ.