Бүлүү уонна Томпо улуустарыгар кыһыҥҥы суолунан айаннааһыҥҥа хааччахтааһын олохтонно

СӨ Массыына суолларын управлениета иһитиннэрбитинэн, муус устар 8 күнүттэн «Эдьигээн» суолугар Бүлүү улууһугар Бүлүү өрүһү туорааһыҥҥа 20 туоннаҕа диэри хааччахтааһын олохтонно.

Маны таһынан Томпо улууһугар Дьабарыкы Хайаттан Охотский Перевоз  сэлиэнньэтигэр диэри айаннааччыларга 10 туоннаҕа диэри уйуктаах массыыналарга эрэ көҥүллэнэр буолла.