Бүлүү улууһун Тылгыны нэһилиэгэ быйыл 100 сылын бэлиэтиэҕэ

Ааптар: 
Бөлөххө киир:

Бу күннэргэ Бүлүү улууһун Тылгыны нэһилиэгин дьаһалтата үбүлүөй тэрээһиннэрин сүрүннүүр хамыыһыйаҕа үбүлүөйга анаан былааннаабыт соруктарын билиһиннэрдэ.

edersaas.ru

2019 сыл муус устар 2 күнүгэр Ил Дархан Айсен Николаев Бүлүү улууһун Тылгыны нэһилиэгэ тэриллибитэ 100 сылын бэлиэтиир туһунан 239 №-дээх анал дьаһалга илии баттаабыта. Үбүлүөйү сүрүннүүр хамыыһыйа бэрэсэдээтэлинэн Бырабыытылыстыба бэрэсэдээтэлин солбуйааччы Ольга Балабкина анаммыта.

Улуустааҕы дьаһалта пресс-сулууспата иһитиннэрбитинэн, хамыыһыйа мунньаҕын улуус баһылыга Сергей Винокуров салайан ыытта. Кини нэһилиэк баһылыга үбүлүөйү тэрийэргэ анаан оҥорбут былаанын биһирээтэ уонна олунньу 17-20 күннэригэр диэри былааны өссө хос сааһылыырга, чочуйарга соруйда.

Улуус кырдьаҕас нэһилиэгин дьоһуннаах үбүлүөйүн биир дойдулаахтара Тылгыныттан төрүттээх өрөспүүбүлүкэ олохтоохторун кытыннаран,  бары сомоҕолоһон, түмсэн тэрийиэхтэрэ.

Елена ПОТОЦКАЯ, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0