Бүлүү улууһун баһылыга Сергей Винокуров уонна улуус мунньаҕа биир тылы булбаккалар, быйылгы сыллааҕы бүддьүөтү ылыммакка олорбуттара. Бүгүн бүддьүөт хат дьүүллэһэн ылыннылар.
Дьокутааттар бүддьүөтү көрөр сессияны тохсунньу 27 күнүгэр ыытарга быһаарбыттара. Бүгүн ол мунньах ыытылынна. Улуус 2017 сыллааҕы бүддьүөтэ (2,9 млрд солк) бигэргэннэ.
Мөккүөр төрдө буолбут, айдааннаах алмаас дивиденин (34, 5 мөл. солк) ханна ыытары кэлин быһаарсыахтара. Билигин ити боппуруоһу быһаарар анал хамыыһыйа састаабын быһаарса олороллор. Хамыыһыйаҕа улуус сэбиэтин мунньаҕыттан уонна улуус дьаһалтатыттан бэрэстэбиитэллэр киириэхтэрэ.
Онон, Халбаакы нэһилиэгин ититии ситимин тутуутугар 16 мөлүйүөн быйыл бэриллэрэ дуу, бэриллибэтэ дуу биллибэт.
Иван ВАСИЛЬЕВ.
Ыспыраапка
Санатар буоллахха, 34, 5 мөл. солк суумалаах айдааннаах алмаас дивиденин (34, 5 мөл. солк) икки аҥы хайытан, 18 мөл. солк элбэх оҕолоохторго түҥэтиллибит учаастакка инфраструктураны оҥорууга уонна 16,5 мөл. солк өрүс уҥуор сытар Халбаакы нэһилиэгэр киин ититэр ситими тардыыга туһанарга депутаттар куоластаабыттарыгар, улуус баһылыга сөбүлэҥин биэрбэтэҕэ. Ол иһин, алмаас дивиденинрезервнэй пуондаҕа уган, үллэрэр анал хамыыһыйа састаабын бу сессияҕа быһаардылар. Хамыыһыйа састаабыгар Сэбиэт мунньаҕыттан 5 депутат, улуус дьаһалтатыттан 5 бэрэстэбиитэл киирэн, ити боппуруос дьыалҕатын салгыы быһаарыахтара.