Бүлүү улууһугар тэрээһиннэри тоҕо тохтоттулар?
Бүгүҥҥү туругунан, Роспотребнадзор иһитиннэрбитинэн, өрөспүүбүлүкэ үрдүнэн ааспыт сууккаҕа 179 киһи коронавирус дьаҥар хаптаран, ыалдьыбыт. Бу туһунан уочараттаах брифинигэр өрөспүүбүлүкэҕэ ковиды бохсор ыстаап салайааччытын солбуйааччы Ольга Балабкина эттэ. Салайааччыны солбуйааччы этэринэн, барыы-кэлии элбээбитинэн даҕаны Алдан, Нерюнгри, Мииринэй оройуоннарыгар дьаҥ хаптайбат, аччаабат.
Ольга Валерьевна бүгүн чопчу Мэҥэ Хаҥалас уонна Бүлүү улуустарыгар анаан-минээн болҕомтону туһаайда. Кини бу улуустарга эпидемиологическай тэрээһиннэри күүһүрдэргэ эттэ. Итиниэхэ балаһыанньаны уустугурдубут кэккэ түгэннэр бэлиэтэммиттэринэн, холобур, Бүлүү улууһунааҕы дьаҥы бохсууга ыстаап бары тэрээһиннэри боборго быһаарбытын иһитиннэрдэ.
Ону сэргэ, өрөспүүбүлүкэтээҕи ыстаап салайааччыта улуустары кытта ыыппыт мунньаҕар чопчу соруктар туруоруллубуттар. Онно олоҕуран, бырааһынньык уонна уһун өрөбүл кэмнэригэр болҕомто өссө күүһүрүөхтээх. Ыстааптар үлэлэрэ тохтообот. “Вирус тарҕаныыта бохсуллуохтаах”, — диэн түмүктээтэ брифинин О.Балабкина.
Бэлэмнээтэ Женни Стрюкова