Бүлүүтээҕи педагогическай кэллиэс тэриллибитэ 100 сылын туолар

Бөлөххө киир:

Н.Г. Чернышевскай аатынан Бүлүүтээҕи педагогическай кэллиэс тэриллибитэ быйыл 100 сылын туолар. 1922 сыл атырдьах ыйын 22 күнүгэр Саха сиринээҕи Наркомпрос уурааҕынан, Бүлүүтээҕи 2-с сүһүөх оскуолата педагогическай хайысхалаах 2-с сүһүөх оскуолаҕа кубулуйбута. Онтон оскуола педагогическай техникумҥа (1927-1937 сс.) уонна педагогическай училищеҕа (1937-2002 сс.) уларыйбыта.

2002 сылтан орто профессиональнай үөрэҕи биэрэр педагогическай кэллиэс аатын ылбыта. 100 сыл устуоруйалаах кырдьаҕас үөрэх кыһата 10 тыһыынча кэриҥэ педагогу бэлэмнээн таһаарбыта. Онон өрөспүүбүлүкэҕэ үөрэҕирии систиэмэтигэр өлбөөдүйбэт суолу-ииһи хаалларбыт, сүҥкэн өҥөлөөх үөрэх кыһата буолар.

Бүлүүтээҕи педагогическай кэллиэһи Сэбиэскэй Сойуус Дьоруойдара Николай Кондаков, Николай Степанов бүтэрбиттэрэ. ССРС норуодунай учуутала Михаил Алексеев наукаҕа аартыгын мантан саҕалаабыта. Үгүс судаарыстыбаннай диэйэтэллэр, учуонайдар, суруйааччылар үөрэммиттэрэ.

Ангелина Васильева, “Саха сирэ” хаһыат, edersaas.ru

Хаартыска: vikollege.ru

+1
0
+1
0
+1
0
+1
0
+1
0
+1
0
+1
0