Халлаан күүскэ ириэрэн, суолга халтараан буолла. Онон, кэлиҥҥи күннэргэ суолга быһылаан тахсыыта элбээтэ.
ГИБДД иһитиннэрбитинэн, муус устар 15 күнүгэр күнүс 15 чаас саҕана Бүлүү оройуонун дьуһуурунай чааһыгар «Бүлүү» федеральнай суолугар Эбэ сэлиэнньэтин таһыгар суол быһылаана тахсыбытын туһунан иһитиннэрии киирбит.
Ол курдук, Тойота «ХАЙС» массыына суоппара Дьокуускай куораттан Ньурбаҕа айаннаан иһэн, 466 км утары айанныыр балаһаҕа тахсан, Тойота «Саксид» массыынаны кытары харсыспыт. Ол түмүгэр 57 саастаах Тойота «Саксид» суоппара улахан эчэйиини ылан, тута тыына быстыбыт. Оттон Тойота «Саксидка» олорон испит 19 саастаах пассажир эчэйиини ылан, балыыһаҕа киллэриллибит.
51 саастаах микрооптуобус суоппара кэлиҥҥи 12 ыйга суол быраабылатын кэһиигэ биэстэ административнай эппиэтинэскэ тардылла сылдьыбыт.