Былаас үрдүкү өһүөлээхтэрэ Бүлүү умнаһын сирин-уотун туругун наукаҕа олоҕуран чинчийии бырайыактарын ырытан оҥорорго соруктаналлар. Бырагыраама наукаҕа олоҕурбут билгэлээһиннэри, этиилэри ырытан оҥорууга, нэһилиэнньэ доруобуйатын туругун чинчийиигэ, алмааһы хостуур бырамыысыланнас дьайар сиригэр экологическай куттал суох буолуутун хааччыйар кэлим дьаһаллары ырытан оҥорууга туһуланыаҕа. Итиниэхэ барыллаан ааҕыынан 300 мөлүйүөнтэн тахса солкуобайдаах үп көрүллүөҕэ.
Чинчийии бырагыраамата тыа хаһаайыстыбатын бородууксуйатын хаачыстыбатын үөрэтэргэ, улуустар, оройуоннар экологическай туруктарын, нэһилиэнньэ доруобуйатын туругун сыаналыырга, иһэр ыраас уунан хааччыйарга уонна Бүлүү, Марха өрүстэр экосистиэмэлэрин техногеннай дьайыыттан көмүскүүргэ кыах биэриэҕэ.
Итини тэҥэ, 2024 сылга диэри Бүлүү умнаһын оройуоннарын 29 нэһилиэнньэлээх пууннарын иһэр уунан хааччыйыы боппуруоһун быһаарар кыамталаах уунан хааччыллыы бырагыраамата ырытыллан оҥоһулунна. Бырагырааманы сүрүн үбүлээччи быһыытынан “АЛРОСА” хампаанньа тус сыаллаах үбэ-харчыта тардыллыаҕа.
edersaas.ru