Бэс ыйын 8 күнүгэр социальнай ситимнэринэн Мииринэй территориятыгар ньиэп тохтон, Бүлүү өрүһү киртиттэ диэн иһитиннэрии тарҕаммыта.
edersaas.ru, Мария Кобельянова
Бэс ыйын 9 күнүгэр Сунтаар улууһун дьаһалтата хамыыһыйа тэрийэн ньиэп тохтубут сирин көрөн кэллилэр. Хамыыһыйа үлэтигэр кыттыыны ыллылар Сунтаар улууһун баһылыгын бастакы солбуйааччы Н.П.Александров, Сунтаардааҕы Роспотребнадзор сүрүн исписэлииһэ В.В.Герасимов, Сунтаардааҕы Айылҕа харыстабылын инспекциятын салайааччыта С.М.Николаев, Экологическай надзор инспектора А.В.Федоров, ОМВД участковайа Н.А.Иванов уонна Мииринэй улууһун баһылыгын солбуйааччыта П.Е.Тектясов, экология инспектора Е.П.Мельников. Ньиэп Мииринэй куораттан 10 км сиргэ тохтубут эбит. Халыйбыт сирэ киэҥ. Төһө сири ылбытын экологтар ааҕа сылдьаллар, ыраастааһын барар. Бүлүү өрүскэ куттал суоҕун эттилэр, ол гынан баран, кэтээн көрүү үлэтэ баран номнуо өрүскэ түһэр уу анаалыһа ылылынна.
Мария Кобельянова-Тускулаана, edersaas.ru