Бүлүү өрүскэ көннөрү тааҥ дуу, чахчы киртитии дуу? Чуолкайа биллиэ

Бөлөххө киир:

Бу күннэргэ  Сунтаар улууһун олохтоохторо Бүлүү өрүскэ хоҥордуҥу өҥнөөх тааҥ тахсыбытын көрөн, долгуйбуттарын социальнай ситиминэн биллэрбиттэрэ.

СӨ Экологияҕа министиэристибэтин пресс-сулууспата  Сунтаар улууһугар бу күннэргэ аһара сылаас күннэр турбуттарыттан сылтаан,  өрүскэ тааҥ үөскээбитин туһунан иһитиннэрэр. Тааҥ өҥө маҥан хаарга  араҕастыҥы- хоҥор буолан көстөр.  Итинник хабааннаах өҥнөөх тааҥ  айылҕа, күн-дьыл уларыйыытыттан эбэтэр  гидрологическай эбийиэктэртэн үөскүөн сөбүн туһунан ыйбыттар.

Халлаан тымныйбытыгар электроэниэргийэни туһаныы улааппытыттан сибээстээн, гидроыстаансыйалар ууну туһаныылара элбиир. Бастакы тымныылар кэннилэриттэн, Сунтаар улууһун эргин өрүс мууһун туруута  хойутуурун саҕана хойуутук хаардаабытын түмүгэр,   Бүлүү өрүскэ үгүс учаастакка тааҥ тахсыбыт.

Ол эрээри, Сунтаардааҕы экологияны кэтээн көрөр судаарыстыбаннай иниспиэксийэ исписэлиистэрэ  тустаах учаастактан уу боруобатын ылан,  Дьокуускай куоракка лабораторияҕа ыыттылар. Онон бэрт сотору туга-ханныга чуолкай биллиэҕэ.

+1
0
+1
0
+1
0
+1
0
+1
0
+1
0
+1
0