Сунтаар улууһун Кириэстээҕин аттынан, “Соколиная коса” диэн сиргэ Бүлүү өрүскэ «АЛРОСА» көмөтүнэн 15 тыһыынча хатыыс ыаматын ыыттылар. Бу сиргэ бастакы алмаас булуллан турар.
Хатыыс ыаматын Чернышевскайдааҕы балык собуотугар таһаарбыттар. 2022 сылга бу собуот уонна “АЛРОСА” номнуо 3000 устуука майаҕас, 400 000 чыыр, 1,37 мөлүйүөн быраҥаатта, 1 мөлүйүөн күндүөбэй балык ыамаларын Бүлүү, Өлүөнэ өрүстэргэ уонна Тимир Күндэ диэн күөлгэ ыыппыттар.
Чернышевскайдааҕы балык собуота 2018 сылтан «Обеспечение экологической безопасности, рационального природопользования и развитие лесного хозяйства Якутии на 2018-2022 годы» бырагырааманан хатыыһы элбэтэр үлэни ыытар.
Аан бастаан Бүлүү өрүскэ 2019-2020 сылларга хатыыс ыаматын ыыппыттара. Өрүстэргэ балык ахсаанын элбэтэргэ былааннаах үлэни ыыталлар. Инникитин хатыыс балыгы улаатыннарар сыаҕы тутар былааннаахтар.
Ангелина Васильева, “Саха сирэ” хаһыат, edersaas.ru
Хаартыска: sakhagov.ru.