2004 сыллаахха Бүлүү улууһун педагогическай кэллиэһигэр «БПК бастыҥнара» диэн куонкурус буолбута.
Манна «Бастыҥ салайааччы», «Бастыҥ педагог», » Бастыҥ куратор» о.д,а. ааттар киирбиттэрэ. Бу куонкурус үлэҕэ, үөрэххэ көҕүлүүр үтүө өрүттээх буолан, хас да сыл устата ыытыллыбыта. Быйыл, Улуу Кыайыы 75 сылыгар куонкуруһу саҥаттан сөргүтэн тэрийдилэр. Тоҕус номинацияҕа кэллиэс үлэһиттэрэ кытыннылар. Ол курдук «Салаа сэбиэдэссэйэ» — РФ бочуоттаах үлэһитэ Иванов В.И., » Сыл методиһа» — Калмыцкай судаарыстыбаннай университет аспирана Церенова Н.А., » Сыл куратора» — Петрова А.С. уонна Львова М.В., «Кэлллиэсэрэлэ» — Осипова С.В уонна Петров С.Г., «Кэллиэскэ бэриниитин иһин» — педагогическай үлэ бэтэрээнэ, норуот үөрэҕириитин туйгуна Максимова М.Ф, «Сыл уопсастыбанньыга» — Гуляева С.А. уонна Колтовской А.И.
Бу кыайыылаахтар Учуутал мусуойугар маастар-кылаастары ыытыахтара уонна үөрэтэр устудьуоннарын кытта ток- шоуга кыттыахтара.
Ульяна Захарова.