Бу күннэргэ бүлүүлэр уонна үөһээ бүлүүлэр бары сөбүлээн сынньанар, сөтүөлүүр Чыбыыда үрэхтэрин тула улахан субуотунньук ыытан ыраастаатылар.
edersaas.ru
@bylyy_uluuha суруйарынан, бу улахан үлэ
Бүлүү улууһун дьаһалтатын, Харбалаах, Чочу нэһилиэктэр дьаһалталарын көҕүлээһиннэринэн ыытылынна.
Субуотунньукка Бүлүүттэн улуус дьаһалтатын, тутуу управлениятын, тыа хаһаайыстыба департаменын, Бүлүүтээҕи ОДьКХ, «РИК-Автодор», «Сахатранснефтегаз», Айылҕа харыстабылын инспекциятын, баһаарынай сулууспа үлэһиттэрэ кытыннылар. Чочуттан дьаһалта, мусуой, кулууп үлэһиттэрэ, Харбалаахтан дьаһалта, кыралыын-улаханныын нэһилиэк олохтоохторо буоланнар кытыннылар.
Субуотунньукка улахан техниканан көмөлөстүлэр
ИП Буслаев Александр Ильич, Бүлүүтээҕи ОДьКХ (сал.Лобашев АА), «Рик-автодор»(сал.Протопопов П.В.), «Якутлесресурс» (сал. Николаев С.Г.) тэрилтэлэрэ.
— Кинилэргэ ыытыллар үлэлэргэ өрүү күүс көмө буола туралларын иһин улуус дьаһалтатын аатыттан улахан махталбытын тиэрдэбит. Ону тэҥэ Чочу, Харбалаах дьаһалталара эмиэ улахан тыраахтырдары аҕалан үлэ тэтимнээхтик ааста. Бүгүҥҥү күүстээх үлэҕэ кэлэн кыттыбыт бары тэрилтэлэргэ, бар дьоммутугар тэрийээччилэр ааттарыттан барҕа махталбытын тиэрдэбит.
Күндү Бүлүүбүт дьоно! Өрүүтүн маннык биир санаанан салайтаран бары бииргэ улууспут туһугар үлэлии-хамсыы туруоҕуҥ айылҕабытыгар харыстабыллаахтык сыһыаннаһыаҕыҥ, бөҕү-сыыһы мээнэ быраҕымыаҕыҥ«, — диэн @bylyy_uluuha иһитиннэрдэ.
edersaas.ru