Бүлүүлэр түмсүүлээхтэрин көрдөрдүлэр

Ааптар: 
Бөлөххө киир:

Атырдьах ыйын 12 күнүгэр Бүлүү улууһугар түөрт ойуур баһаара умайар.

27 №-дээх ойуур баһаара Кыргыдай сиргэр умайан саҕалаабыта уонна бүгүҥҥү  туругунан уот икки аҥы хайдан, Кыргыдайтан 11 км., Балаҕаччыттан 15 км. сиргэ умайа турар. Баһаары умуруорууга 129 киһи киһи түүннэри-күнүстэри үлэлииллэр. Баһаарга 12 араас техника үлэлиир. Баһаар хоту уонна арҕаа өттүтүнэн уоту тохтотор солооһун, сирин кырсын тиэрии үлэлэрэ толоруллар. Баһаары умуруоруу үлэтин Максимов В.В. салайар.
Атырдьах ыйын 10 күнүгэр, Ханты-Мансийскай автономнай уокуруктан федеральнай резервэ 25 байыаһа 27 №-дээх ойуур баһаарыгар «Урал» вахтовканан айаннаан тиийэннэр үлэлии сылдьаллар. Эрдэ Бороҕон, Бөтүҥ баһаардарыттан көһөрүллүбүт федеральнай резервэ байыастара уокка түспүт учаастактарын уот кэтэхтэринэн тумнан ааспытын иһин, бөртөлүөтүнэн саҥа учаастакка бардылар. Бэҕэһээ Бүлүү куоратыттан 28 киһи, бүгүн эдэр исписэлиистэр көмөҕө таҕыстылар. Куорат уһуйааннарын үлэһиттэрэ баһаарга сылдьар дьоҥҥо алаадьы, бэрэски, ыһаарыламмыт собо астаан ыыттылар.
Оройуон сэбиэтин дьокутаата Ольга Калачикова көҕүлээһининэн, Оруктаах түөлбэтин олохтоохторо харчы хомуйан, Балаҕаччы, Кыргыдай, Үгүлээт, Бастакы Күүлэт баһаардарыгар үлэлиир дьоҥҥо ас ылан ыыттылар. Ити курдук Бүлүү куоракка Балаҕаччыттан, Кыргыдайдан төрүттээх дьон баҕа өттүлэринэн көмө акцияҕа кыттаннар харчы, ас-таҥас, хомуйары саҕалаатылар.

Бүлүүттэн Андрей-Чуос

+1
0
+1
0
+1
0
+1
0
+1
0
+1
0
+1
0