2017 сыл Бүлүү улууһугар улуу композитор Марк Жирков сылынан биллэриллибитэ. Бу күннэртэн улуус баһылыга Сергей Винокуров Бүлүү улууһугар Марк Жирков сылыгар аналлаах тэрээһиннэри саҕалыыр туһунан эттэ.
Александр ТАРАСОВ, «Саха сирэ» хаһыат, https://edersaas.ru
Ол курдук, Бүлүү улууһун уопсастыбаннаһа биллиилээх композитор үбүлүөйдээх сылын үрдүк таһымнаахтык ыытарга уонна сырдык аатын үйэтитэр тэрээһиннэри ыытар сыал-сорук туруорунна.
Мантан сиэттэрэн, бу күннэргэ Марк Жирков аатынан Бүлүүтээҕи искусство оскуолатын кэлэктиибэ, култуура деятеллэрэ уонна уопсастыбаннас күргүөмүнэн Сбербаан Бүлүүтээҕи филиалын дьиэтигэр мунньустан, улуу композитор төрөөбүтэ 125 сылыгар анаан «Төрөөбүт дойду туһунан» ырыаны ыллаан дьиэрэттилэр. Маннык Марк Жирков ырыаларын толоруу Бүлүү куорат атын тэрилтэлэрин дьиэлэригэр салгыы ыытыллыа.