Тыа хаһаайыстыбата

Бүлүүлэр горнайдарга 800 туонна оту биэриэхтэрэ

Бүлүү улууһа окко былаанын толордо.

– Саппааска анаан барыта 1200 туоннаны оттообуппут, – диир Бүлүү улууһун тыатын хаһаайыстыбатын сүрүн агронома Мария Николаева. – Онтон 300 туоннатын бэйэбит улууспут иһинэн ылсыахпыт-бэрсиэхпит, алаас сирдээх нэһилиэктэр ходуһалара курааннаан, отторо кырыымчык. Горнай улууһугар анаан 800 туонна оту бэлэмнээн олоробут. Билиҥҥи туругунан, ити от аҥаарыгар дуогабар түһэрсилиннэ. Өссө да кэтэһэбит, тоҕо диэтэххэ, от атыылаһар киһи бэйэтэ кэлэн, көрөн-истэн баран, чахчы ылабын диэн төлөһүүтүн боппуруоһун быһаарыстаҕына эрэ, дуогабар түһэрсиллибитинэн ааҕыллар. Онуоха биир туонна үрдүк суортаах от 6 000, иккис суортаах от 5 000 тыһыынча солкуобайга сыаналанар.

Раиса Сибирякова, «Саха сирэ», edersaas.ru

0
0
Telegram @edersaas20