«Бүлүү күөх кура» пуонда үлэтэ далааһыннанар

Ааптар: 
Бөлөххө киир:

Д.Г.Макаров аатынан «Бүлүү күөх кура» экологическай пуонда 2021 сылга РФ Бэрэсидьиэнин куонкуруһун кыайыылааҕынан тахсан грант ылла.   

Бу туһунан улуустааҕы «Олох суола» хаһыат суруйда диэн Улуус Медиа иһитиннэрэр. Пуонда бу курдук, сыл ахсын кэриэтэ араас күрэстэргэ кыттар уонна элбэхтэ кыайыылааҕынан тахсара бэлиэтэнэр. Бу пуонда Бүлүүгэ дендропаарканы оҥорууга улахан үлэни саҕалаабыт. Үүнэр көлүөнэни экология боппуруостарыгар сыһыарар туһугар сыаллаах-соруктаах үлэлэри тиһиктээхтик тэрийэр. Улуус эрэ иһигэр буолбакка, өрөспүүбүлүкэ таһымнаах араас тэрээһиннэрэ, аахсыйалара биһирэбили, сэҥээриини ылаллар. Бүлүү улууһун ыраах нэһилиэктэригэр сэдэх үүнээйилэри олордоллор. Хас да сыллааҕыта улахан күрэскэ кыттаннар, Бүлүү куоратыгар Наталья Водянова «Обнаженные сердца» пуондатыттан оҕо былаһаакката тутулларын ситиспиттэрэ.
Оттон быйылгы күрэскэ “Повышение роли практико-ориентированных методов эковоспитания и просвещения, развитие и укрепление обучающих площадок экологического фонда “Зеленый пояс Вилюя” в Вилюйском районе Республики Саха (Якутия)”  бырайыагынан кытыннылар. Онно ылбыт граннарынан дендропаарка күрүөтүн тутар, Хомустаах күөл биэрэгэр былаһаакканы тутар былааннаахтар. Ону сэргэ, оскуола үөрэнээччилэригэр үүнээйилэр мини-питомниктарын тэрийиигэ, мас, талах арааһын олордууга үлэ салҕаныа диэбиттэр. Маны сэргэ, пуонда өссө улуус баһылыгын гранын ылбыт. Онон үүнээйини көрөргө-истэргэ уу кутар турбаны ылан тардар баҕалаахтарын эппиттэр. «Бүлүү күөх кура» «Эко-репортер» кулуубу, кыраайы үөрэтэр, оскуолаҕа ойуур хаһаайыстыбатынан дьарыктанар үөрэнээччилэри кытары ыкса сибээстээх үлэлиир. Быйыл эко-репортердар пуорумнарын, ойуур хаһаайыстыбатынан дьарыктанааччыларга слет, оттон эһиил кыраайы үөрэтиинэн умсугуйар оҕолорго күөн күрэс тэрийэр баҕалаахтар.
+1
0
+1
0
+1
0
+1
0
+1
0
+1
0
+1
0