Үбүлүөйдээх бэлиэ дааталары көрсө

Ааптар: 
Бөлөххө киир:

Муус устар саҥатыгар Кэбээйибит нэһилиэгэр сэргэх тэрээһин буолла.

Оскуоланы 83 сыллаахха бүтэрбит выпускниктар өрөспүүбүлүкэ араас улуустарыттан Кэбээ­йибит сиригэр мустан, үгэскэ кубулуйбут эстэпиэтэни Мэҥэ Хаҥалас улууһуттан туттубут. Тэрээһин сыала соруга САССР 100, Кэбээйи улууһа тэриллибитэ 85, Кэбээйи орто оскуолата аһыллыбыта 95 сылларын бэлиэтиир өрөгөйдөөх үбүлүөйдэргэ ананна, «Кэбээйи тур 83»  тэрээһин үрдүк таһымнаахтык ыытылынна.

Бу биһиэхэ ураты суолтаны ылла. 100 үтүө дьыалабытыттан үһэ оноһулунна. Улууспут үбүлүөйдээх сылыгар Терехов Афанасий Семенович үлэтин-хамнаһын сырдатар баннер олохтоох дьаһалтаҕа туттарылынна. Кини Кэбээйитин туһугар элбэх сыратын биэрбит биир киэн туттар киһибит буолар. Кэбээйи орто оскуолатыгар 95 сааһын туолар өргөйдөөх үбүлүөйүнэн сибээстээн 1983 сыллааҕы выпускниктар ааттарыттан «Чороон» туттарылынна. Өрөспүүбүлүкэбитигэр Ийэ сыла биллэриллибитинэн си­бээстээн, икки элбэх оҕолоох эдэр ыал ийэлэрин чиэстээтибит. Ол курдук Яковлева Мария Ивановна, Терехова Виктория Андреевна өйдөбүнньүк бэлэхтэри туттулар.

Икки күн устата олус интэриэһинэй тэрээһиннэр сүргэни уратытык көтөхтүлэр. Ыалдьыттары көрсүү сиэриттэн-туомуттан саҕалаан, Т.Е. Смета­нин пааматынньыгар сибэкки ууруута, Кэбээйи орто оскуолатын выпускниктарын кытта көрсүһүү, кыраайы үөрэтэр музейга экскурсия, урбаанньыт ийэлэри кытта төгүрүк остуол, «Сайдам» норуот айымньытын дьиэтигэр «Доҕордоһуу түһүлгэтэ» сэргэхтик ыытылыннылар. Бу тэрээһиҥҥэ өрөспүүбүлүкэбит араас улуустарыттан 20 бэрэстэбиитэл кэлэн көхтөөхтүк кытынна. Маннык дириҥ ис хоһоонноох турбутун тэрийэргэ, ыытарга көмөлөспүт дьоммутугар, бииргэ үөрэммит оҕолорбутугар, үөлээннээхтэрбитигэр, сүбэ-ама буолбут дьоммутугар махтал тыллары аныыбыт.

Тэрээһиммит табыллыбытыттан, барыта биир тыынынан үрдүк таһымҥа ааспытыттан үөрдүбүт, ыалдьыттарбыт да астыннылар. Эстэпиэтэбитин Уус Ал­дан улууһун 83 сыллардааҕы выпускниктарыгар туттардыбыт.

Кэбээйи оскуолатын 83 сыллаахха бүтэрбит выпускниктар ааттарыттан Маргарита ОХЛОПКОВА.

+1
0
+1
0
+1
0
+1
0
+1
0
+1
0
+1
0