Сүрүн Уопсастыба

Үбүлүөйдээх 2022 сыл бастакы оҕото күн сирин көрдө

Саха сиригэр үбүлүөйдээх 2022 сыл бастакы оҕото күн сирин көрдө. Ити туһунан Ил Дархан Айсен Николаев тус инстаграмыгар санаатын үллэһиннэ.

edersaas.ru

Биллэрин курдук, быйыл Саха АССР  тэриллибитэ 100 сыла. “Саҥа сылынан, бар дьонум! Бүгүн 00:12 ч. 2022 үбүлүөйдээх сыл – өрөспүүбүлүкэ саҥа сүүс сылын бастакы оҕото төрөөтө!

Уол 3625 кыраам ыйааһыннаах, 52 см уһуннаах, Амма улууһуттан  Айхаллаана Иннокентьевна Николаева төрдүс оҕото. Кырачаан уол төрөөһүнүнэн Саха сиригэр Ийэ сылын саҕаланыыта бэлиэтэнэр. “Сүүс сыл оҕолоро” тус сыаллаах хапытаал 100 000 солкуобайын бастакынан тутуоҕа!

Төрөппүттэрин истиҥник эҕэрдэлиибин. Кырачаан киһи доруобай, чэгиэн буола улаатан чугас дьонун, барыбытын үөртүн!” – диэн санаатын үллэстэр.

 

Хаартыска: ru.depositphotos.com

2
1
Telegram @edersaas20