Бүгүн, сэтинньи 17 күнүгэр, Бүлүү куоракка олус үчүгэй тэрээһин буолла.
Үс мэндиэмэннээх, 23 кыбартыыралардаах икки дьиэни үлэҕэ киллэрэр дьоро түгэн тосхойдо. Уопсайа 45 ыал күлүүс тутта. Бу өрөспүүбүлүкэтээҕи «Хаарбах дьиэттэн дьону көһөрүү» бырагыраама чэрчитинэн тутулуннулар. 2019 сыллаахха Бүлүү улууһун дьаһалтата бырайыагы көмүскээн, үбүлээһин көрүллүбүтэ. Толору хааччыллыылаах таас дьиэлэри бэдэрээччит «Сигма» ХЭУо болдьоҕун аһарбакка тутан бүтэрэн, Саҥа дьылы көрсө бэртээхэй бэлэҕи оҥордо.
Александр Тарасов, «Саха сирэ» хаһыат, edersaas.ru
+1
+1
+1
+1
+1
+1
+1