Бүлүүгэ — дендропаарка уонна «Хомустаах» ыллык...
Олох-дьаһах

Бүлүүгэ — дендропаарка уонна «Хомустаах» ыллык

Бүлүүгэ күүтүүлээх дендропаарка уонна «Хомустаах» ыллык аһылынна.

Бу астына-дуоһуйа сынньанарга, сибиэһэй салгыны ыймахтыырга, төрөөбүт сирбит-уоппут айылҕатын ураты намчытын, ханна да хатыламмат кэрэтин көрдөрөр ураты паарка. Манна өссө экологическай ыллык анаан-минээн оҥоһулунна. Ыллык айылҕа нарынын-намчытын, араас кыыл-сүөл туһунан кэпсиир, көрдөрөр истиэндэнэн арыалланар.

Дендропаарка «Бүлүү күөх кура» пуонда көҕүлээһининэн тэриллибитэ.  Олохтоох салалта уонна дьон-сэргэ тута өйөөбүттэрэ. Тэрийээччилэр нэһилиэнньэни бу паарканы тупсарарга, талах, мас арааһын дэлэччи олордорго көхтөөхтүк кытталларыгар ыҥыраллар диэн СИА иһитиннэрэр.

Манна сыһыары тутан сэгэттэххэ, 2017 сылтан  «Школьные лесничества Вилюя» пуонда бырайыагынан үөрэнээччилэри ойуур хаһаайыстыбатыгар сыһыарыы үлэтэ сөргүтүллэн ыытыллар. Ол түмүгэр, Бөкчөҥө, Мастаах, Өкүндү, Бүлүү 3 №-дээх оскуолаларын оҕолоро, барыта 64 үөрэнээччи, тулалыыр эйгэни сэргээн, сэҥээрэн ылсан дьарыктанар. Кинилэр оскуолаларыгар мас, тала, эмтээх үүнээйи олордорго, бүөбэйдииргэ үөрэнэллэр. Бэлиэтээбиттэринэн, бырайыак оҕолор идэлэрин сөпкө талалларыгар туһаайыллар.

 

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

11 − четыре =