Бүлүүгэ буолбут быыбарга “ньыгыллар” хандьыдааттара кыайыылаах таҕыста

Бэҕэһээ, муус устар 23 күнүгэр, “Бүлүү улууһа (оройуона)” муниципальнай тэриллии үһүс ыҥырыылаах улуустааҕы Сэбиэтигэр дьокутааттары эбии быыбардааһын буолла.

Роман Попов, “Саха сирэ” хаһыат, https://edersaas.ru

Онно “Биир ньыгыл Арассыыйа” баартыйа барыллаан куоластааһынын кыайыылааҕа, Г.С.Донской аатынан Бүлүүтээҕи 2-с №-дээх орто оскуола дириэктэрэ Михаил НОВИКОВ эрэллээх кыайыыны ситистэ.

Өрөбүл күн ыытыллыбыт тэрээһиҥҥэ быыбар испииһэгэр киллэриллибит дьон 80 бырыһыаннара кэлэн куоластаата, барыта 429 бүлүтүөн ааҕылынна. Михаил НОВИКОВКА 238 куолас бэрилиннэ (быыбардааччы 55,09 бырыһыана). Филипп АЛЕКСЕЕВКА 179 киһи куоластаата (41,44 бырыһыан). Хандьыдааттары иккиэннэрин 12 киһи утарда (2,78 бырыһыан).

Роман Попов, “Саха сирэ” хаһыат, https://edersaas.ru