Бүлүү куоратыгар бүгүн, алтынньы 1 күнүгэр, аҕам саастаахтарга тыа хаһаайыстыбатын департамена кэһиилээх тиийдэ.
Бу туһунан улуустааҕы тыа хаһаайыстыбатын управлениетын салайар Павел Павлович Иннокентьев сырдатта:
— Аҕам саастаахтар күннэринэн тыа хаһаайыстыбатын салаатыгар үлэлээбит кырдьаҕастарбытын эҕэрдэлээтибит. Ол курдук, биирдии куул хаппыыста уонна бэйэбит оҥорон таһаарар «Сыа Бүлүү» үүттэн, эттэн нобуорбутун алта бэтэрээммитигэр кэһиилээтибит. Оттон улуус нэһилиэктэрин аҕам саастаахтарыгар нэһилиэк бэйэтэ туспа туттарыахтаах. Күһүҥҥү бэлэхпитин крдьаҕастарбытыгар дьиэлэригэр тиийэн туттардыбыт. Түгэнинэн туһанан, кууллаах хаппыыстанан успуонсардаабыт Дьөккөн нэһилиэгин Сидор Ионов хаһаайыстыбатыгар махталбытын тиэрдэбит. Аҕам саастаахтарбытыгар кыра да буоллар болҕомто, истиҥ сыһыан наадатын умнуо суохтаахпыт.
Ульяна Захарова.
+1
+1
+1
+1
+1
+1
+1