«Бүлүү» федеральнай суол салгыы соҕуруу хайысханан тутуллуо

Төгүрүк сыл массыына сылдьар айан суола Иркутскай уобалас Уус Кутуттан Дьокуускайга диэри тутуллуоҕа. Ол туһунан СӨ Бырабыыталыстыбатын бэрэссэдээтэлэ Владимир Солодов «Instagram» социальнай ситимҥэ билиһиннэрдэ.

edersaas.ru 

«2018 сыл сэтинньи 15 күнүгэр Тырааныспар министиэристибэтин кытта көрсүһүүгэ «Бүлүү» федеральнай суол хайысхатын уларытан, соҕуруу Ленскэй уонна Витим бөһүөлэгэр тиэрдэр туһунан кэпсэппиппит. Оччотугар элбэх нэһилиэк хабыллыа. Бу айан суола өрөспүүбүлүкэҕэ эрэ буолбакка, Уһук Илин улахан суолталаах, онон, салгыы хайаан да тутуллуо. Росавтодор тэрилтэни кытта федеральнай суол саҥа хайысхатын бигэргэтэн, тутуу хаһан саҕаланара уонна бүтүөхтээҕэ былааҥҥа киириэҕэ», — диэн кэпсээтэ кини.

Онон аҕыйах сылынан, Бүлүүлүүр суолунан Ленскэйгэ, онтон Иркутскайга тиийиэхпит.

Марианна ТЫРТЫКОВА, «Саха сирэ» хаһыат, edersaas.ru