Бүлүү федеральнай суол: мөлтөх учаастак ыһыахха диэри этэҥҥэ буолуо

Ааптар: 
Бөлөххө киир:

Бүлүү улууһун эргин уһуннук ардаабытын түмүгэр,  бэс ыйын 14 күнүгэр  Бүлүү федеральнай суол 343-с — 344-с км  (Илбэҥэ нэһилиэгэ) учаастагар  кутуу суол улаханнык алдьанан, айаннааччыларга кэккэ ыарахаттары үөскэттэ.

Бу сотору кэминэн  Үөһээ Бүлүүгэ Олоҥхо ыһыаҕар барааччыларга күчүмэҕэйдэри үөскэтииһи диэн  санаалар социальнай ситиминэн тарҕаннылар.  Бүлүү федеральнай суолун управлениета иһитиннэрбитинэн,  ити этиллибит учаастакка бэҕэһээ, бэс ыйын 15 күнүгэр,  улахан тиэхиньикэлэр дьуһуурустубалаан дьоҕус массыыналары соһон абыраабыттар.  Онон улахан харгыс үөскээбэтэ. Халлаан тубустаҕына, этэҥҥэ буолуо диэн эрэннэрэллэр.

Суолга уустук балаһыанньаҕа түбэспиттэр Бүлүү управлениетын  диспетчерскэй сулууспатын 8(4112) 44-10-78 уонна 89245938028 диэн нүөмэрдэригэр эрийэн көмө көрдүүргүтүгэр сүбэлииллэр.  

+1
0
+1
0
+1
0
+1
0
+1
0
+1
0
+1
0