Ахсынньы 1 күнүгэр Саха сирин бары бөһүөлэктэригэр, үгэскэ кубулуйбут кэрэ тэрээһиннэр уоттаах харыйалары күлүмүрдэтэ тыктарар түгэннэрэ буолан аастылар.
Сунтаар Бүлүүчээнигэр «Ситис» эбии үөрэхтээһин тэрилтэтин үлэһиттэрэ аныгылыы форматынан, челлендж биллэрэн, дьонноругар-сэргэлэригэр бэлэх ууннулар. Бүлүү өрүс килэмэн хаарыгар өҥнөөх аккырыыкка оҥоһуллан, оҕо-сэргэ кэрэхсии көрдө. Айылҕа сокуонунан күдэрик тыал ытыллыа, дьэрэкээн ойууну хаар саба түһүө. Челлендж диэн өйдөбүлэ — биһиги курдук оҥор диэн.
Онон өрүс иэнигэр саҥаттан саҥа кэрэ аккырыыккалар тэрилтэлэр, коллективтар күүстэринэн оҥоһуллан иһиэҕэ. Иккис көстүүнү оҥорорго олохтоох дьаһалта эстафета иккис кэрчигин тутан бэлэм сылдьаллар диэн Сунтаартан Мария Кобельянова-Тускулаана иһитиннэрдэ.
edersaas.ru
+1
+1
+1
+1
+1
+1
+1