Сунтаар улууһун В.Г.Акимов аатынан Бүлүүчээн лиссиэй-интернатыгар үөрүүлээх тэрээһин буолла. Бүтүн Россиятааҕы «Наследники Победы» бырайыак «Вахта памяти» аахсыйатын үөрүүлээх аһыллыыта буолла.
edersaas.ru
Сунтаартан бу бырайыагы аһарга Сунтаардааҕы оҕону сайыннарар киин дириэктэрэ Ангелина Антонова салайааччылаах анал бөлөх кэллэ. Оскуола линейкатыгар кэс тыллар этилиннилэр, Оҕону сайыннарар киин бырайыак, акция сыалын-соругун билиһиннэрдилэр, кэпсээтилэр, лицейгэ акция аһыллыбытын туһунан анал сурук туттардылар. 8-10 кылаас үөрэнээччилэриттэн Бочуоттаах караулга 9 оҕо талыллан үлэлиэхтэрэ: Аммосов Сергей, Потапова Лейла, Васильев Эрчим, Федотова Вера, Васильева Виолетта, Глухарёв Вова, Григорьев Вася, Иванова Ангелина, Осипов Мичил.
Оҕолор 3 күн устата күҥҥэ иккилии чаас олорон сэриигэ барбыт биир дойдулаахтарбыт туһунан дааннайдарын кинигэлэртэн, интернеттэн көрөн сааһылыахтара, уопсай базаҕа киллэриэхтэрэ. Хомуллубут матырыйаал Сунтаар улууһуттан сэриигэ барбыттар туһунан сайтка хомуллан киириэхтээх. Маны таһынан, лицей фойетыгар Улуу Кыайыы 75 сылыгар анаан оҥоһуллубут стендэлэри, оҕолор уруһуйдара турда. Маҥнайгы күн түмүгүнэн оҕолор 40-ча киһи дааннайын сааһылаатылар. Кэлбит ыалдьыттар оҕолор аһара кыһаллан үлэлииллэрин хайҕаан бэлиэтээтилэр. Салгыы педагог-тэрийээччи Надежда Викторовна хаалан оҕолорго көмөлөһөр, ыйан-кэрдэн биэрэр.
Сонуннарга анаан Бүлүүчээн оскуолатын кэлэктиибэ