Бүлүү улууһун баһылыга Сергей Винокуров уонна киин балыыһа кылаабынай бырааһа Егор Григорьев дьаныардаах туруорсууларынан, Бүлүүгэ кыһын Canon фирма оҥорбут элбэх функцияны толорор томограф аҕалыллыбыта.
edersaas.ru.
Бу иннинэ томографка аналлаах, ирдэбилгэ толору эппиэттиир хостору киин балыыһа эрдэттэн оҥотторбута, бэлэмнээбитэ.
Бүгүн бу томограбы аҕалбыт “Сахамедсервис” ХЭТ бэрэстэбиитэлэ Иннокентий Томскай Доннааҕы Ростов куораттан Canon фирма томографтарын үлэлииргэ бэлэмниир исписэлииһи, Егор Брюховецкайы, Бүлүүгэ илдьэ кэллэ.
Егор Брюховецкэй ренгент салаатын үлэһиттэрин томограф бырагыраамаларыгар үөрэттэ, элбэх туһалаах сүбэлэри оҥордо. Мантан салгыы томограф үлэлииргэ бэлэм буоллаҕына, ренгент үлэһиттэрэ бары бу уустук уонна абыраллаах аппараатынан таһаарыылаахтык үлэлиэхтэрэ диэн улуус дьаһалтатын пресс сулууспата иһитиннэрэр.
Раиса Сибирякова. «Саха сирэ» edersaas.ru.