Бүлүү улууһугар, Чочуга, сэлиэһинэйтэн бастакы суортаах бурдугу мэлийтэрэн оҥороллор.
«Хаһаайыстыбабыт сэлиэһинэйи үүннэриинэн былырыыҥҥыттан дьарыктанар. 20 гектартан 17 туоннаны ылбыппыт. Быйыл 40 гектартан 38 туоннаны хомуйдубут уонна бурдугу бэлэмнээһиммит саҕаланна. Бурдук тардар дьоҕус миэлиҥсэни ыларбытыгар СӨ Тыатын хаһаайыстыбатын министиэристибэтэ уонна улууспут дьаһалтата үбүнэн-харчынан көмөлөспүттэрэ«, — диэн кэпсиир «Ампаардаах» хаһаайыстыба салайааччыта Симон Томскай.
Хаһаайыстыба үлэһиттэрэ урукку хочуолунайга сыах оҥорон, Роспотребнадзор булбут кэһиилэрин барытын туоратан, бурдук тардыытын саҕалаабыттар. Улуус дьаһалтатын өйөбүлүнэн, хаһаайыстыба бурдук уурар, хаһаанар сир туппуттар уонна эбии тиэхиньикэ ылыммыттар. Хаһаайыстыба мантан инньэ бастакы суортаах бурдугунан улууһу хааччыйыан сөп.
Хаартыска sakha.gov.ru ылылынна
+1
+1
+1
+1
+1
+1
+1