Бүлүү бөлөх улуустарыгар уонна Аммаҕа зондировщик-сөмөлүөт үлэлиэҕэ

Бүлүү бөлөх улуустарыгар уонна Аммаҕа искусственнай ардаҕы ыҥырар зондировщик-сөмөлүөт үлэлиэҕэ. Бу туһунан брифинг кэмигэр бырабыыталыстыба бэрэссэдээтэлин бастакы солбуйааччы Дмитрий Садовников иһитиннэрдэ.

Өрөспүүбүлүкэҕэ уопсайа 15 ойуур баһаара сэттэ улууска уонна Дьокуускайга баара биллэр: Амма, Чурапчы, Мииринэй, Нам, Ленскэй, Мэҥэ Хаҥалас уонна Уус Майа улуустарыгар уонна Дьокуускай куоракка.

Былырыын баччаларга 82 ойуур баһаара бэлиэтэммит. Бүгүн Чурапчы улууһугар АН-2 сөмөлүөт уонна МИ-8 бөртөлүөт баһаары умулларыыга үлэлиэхтэрэ уонна уопсай балаһыанньаны көрүөхтэрэ.

Ульяна ЗАХАРОВА.