ХНТ 2019 сылы төрүт олохтоох омуктар ийэ тылларын аан дойду таһымыгар таһааран, бэлиэ сылынан биллэрбитэ. Итиниэхэ олоҕуран, «АЛРОСА» хампаанньа Саха сирин олохтоохторугар 7-18 диэри саастаах оҕолорго «Өбүгэ тыла» диэн күөн күрэһи тэрийэн ыытар. Күрэс үс түһүмэхтээх.
edersaas.ru
- Сайаапкалары кулун тутар 29 күнүгэр диэри eco@alrosa.ru электроннай почтаҕа хомуйаллар.
- Кыттааччылар олорор сирдэринэн норуот уус-уран айымньытын көрүү муус устар 1 күнүттэн ыам ыйын 31 күнүгэр диэри ыытыллыаҕа. Миэстэтин, чуолкай күнүн-дьылын кэлин эбии иһитиннэриэхтэрэ.
- Уопсай түмүгү 2019 сыл сэтинньитигэр Мииринэй куоракка «Алмаас» култуура киинигэр гала-кэнсиэр кэмигэр таһаарыахтара, кыайыылаахтары наҕараадалыахтара.
Кыттааччылар ырыа-тойук, чабырҕах, олоҥхо, хомус, үҥкүү о.д.а. төрүт култуура уонна фольклор араас көрүҥнэринэн хотугу аҕыйах ахсааннаах норуоттар төрүт дьарыктарын, олохторун-дьаһахтарын көрдөрүөхтээхтэр, ис хоһоонун арыйыахтаахтар.
Бу күрэс РФ төрүт омуктарын федеральнай ааҕыныстыбаларын сүрүн тэрээһиннэрин ахсааныгар киирдэ.
Марианна ТЫРТЫКОВА, «Саха сирэ» хаһыат, edersaas.ru
+1
+1
+1
+1
+1
+1
+1