Төрөөбүт тыл, сурук-бичик күнүгэр өрөспүүбүлүкэ оскуолаларыгар араас тэрээһиннэр ыытылыннылар.
Өрөспүүбүлүкэтээҕи «Өбүгэм төрүт үгэстэрэ» диэн квиз-оонньууга Айыы кыһата национальнай гимназия «Тобул» диэн 4 «б» кылааһын үөрэнээччилэрин хамаандата 2 миэстэ буолла. Бастакы миэстэҕэ Уус Алдан орто оскуолатын, үһүс миэстэҕэ Бүлүү улууһун орто оскуолатын үөрэнээччилэрэ буоллулар. Бэлиэтээн эттэххэ, манна саха оҕолоро төрүт үгэстэрин, булт-алт, ынах-сылгы, сахалыы үгэстэр, дьарыктар тустарынан билиилэрин тургуттулар. Айыы кыһата оскуола сахалыы куттаах, төрүт үгэскэ олоҕуран иитэр суолталааҕын оҕолор ситиһиилэригэр көрүөххэ сөп.
Ульяна Захарова, edersaas.ru
+1
+1
+1
+1
+1
+1
+1