Сүрүн Успуорт

Бүгүҥҥүттэн Ослоҕа тустууга аан дойду чөмпүйэнээтэ саҕаланар

Бүгүҥҥүттэн Норвегия Осло куоратыгар көҥүл, гректии-римнии уонна дьахтар тустуутугар аан дойду чөмпүйэнээтэ саҕаланар. Манна Саха сирин тустууга оскуолатын алта иитиллээччитэ  кыттыаҕа.

Легионер быһыытынан 57 киилэҕэ Владимир Егоров (Македония), Арыйаан Тютрин (Белоруссия), 61 киилэҕэ Эдуард Григорьев (Польша), Николай Охлопков (Румыния), Андрей Бекренев (Белоруссия) уонна 65 киилэҕэ Ньургун Скрябин (Белоруссия) тустуохтара.

Ол курдук, алтынньы 1-10 күннэригэр Осло Ulleval Stadion көбүөрүгэр күрэхтэһии ыытыллыаҕа. 2016 сыллаах Олимпиада кэнниттэн ыытыллыбыт аан дойду чөмпүйэнээтэ Олимпиадаҕа киирбэт ыйааһыннарынан ыытыллыбыта. Оттон быйылгы чөмпүйэнээккэ тустууктар уон ыйааһыҥҥа күрэхтэһиэхтэрэ —  57, 61, 65, 70, 74, 79, 86, 92, 97 уонна 125 киилэҕэ.

Күрэхтэһии бүгүн Саха сирин бириэмэтинэн 17.30 чаастан саҕаланыаҕа.

Турнир сетката билиннэ:


2
0