Доруобуйа

Бүгүҥҥүттэн эбии үөрэхтээһин тэрилтэлэрэ тэйиччиттэн үлэлиэхтэрэ

Бүгүҥҥү күннээҕи чахчынан, өрөспүүбүлүкэҕэ сыстыганнаах дьаҥтан харыстанар  быһыыны 541 805 (75,6 %) киһи ылла.

Бүгүҥҥүттэн, тохсунньу  17 күнүттэн, сыстыганнаах дьаҥы бохсууга кэккэ саҥа уларыйыы киирдэ.

Вице-премьер Ольга Балабкина күнүскү брифиҥҥэ эбии үөрэхтээһин  (куруһуоктар уонна сиэксийэлэр) тэрилтэлэрин үлэлэрэ тэйиччиттэн үлэҕэ көспүттэрин туһунан иһитиннэрдэ.

Бүгүҥҥүттэн чааһынай мэдиссиинэ тэрилтэлэрэ уоппускаттан тахсыбыт уонна ыраах сиртэн кэлбит дьоҥҥо босхо ПЦР-тест оҥорор буоллулар.

«Бу маннык быһаарыы ылынан, биһиги поликлиникалар үлэлэригэр чэпчэтии оҥоробут. Онон мэдиссиинэ бары тэрилтэлэрэ муҥутуур бэлэм эрэсиимигэр үлэлииллэр”, — диэн бэлиэтээтэ брифиҥҥэ вице-премьер Ольга  Балабкина.

 

 

Елена ПОТОЦКАЯ, “Саха сирэ” хаһыат, edersaas.ru

Хаартыска — СИА.

0
0
Telegram @edersaas20