Сүрүн Уопсастыба Үөрэх уонна наука

Бүгүҥҥүттэн биир кэлим эксээмэннэр саҕаланнылар

Бүгүҥҥүттэн 11-с кылаастарга биир кэлим эксээмэннэр саҕаланнылар. Бастакынан географияны, литэрэтиирэни, химияны туттарааччылар астылар.   

edersaas.ru

СӨ үөрэҕин уонна наукатын миниистирин солбуйааччы Ирина Любимова иһитиннэрбитинэн, быйыл өрөспүүбүлүкэ үрдүнэн 231 биир кэлим эксээмэн ыытыллар пууна (ППЭ) үлэлиэҕэ. Уопсайа, 8 тыһыынчаттан тахса киһи эксээмэни туттарар эбит буоллаҕына, итинтэн быйыл уонна урукку сылларга оскуоланы бүтэрбит 6867 киһи — биир кэлим эксээмэни. Дьокуускай куоракка 2418 быйыл, 351 урукку сылларга бүтэрбиттэр.

Санатан эттэххэ, биир кэлим эксээмэни (ЕГЭ) быйыл былырыыҥҥы курдук пандемиянан сибээстээн, үрдүк үөрэххэ туттарсар эрэ дьон туттараллар. Онтон орто үөрэххэ барар санаалаах оҕолор судаарыстыбаннай түмүктүүр эксээмэни (государственный выпускной экзамен) туттарбыттара.

Биир кэлим эксээмэн (ЕГЭ):

География, литэрэтиирэ, химия — ыам ыйын 31 күнэ

Нуучча тыла – бэс ыйын 3, 4 күннэрэ

Математика (профильнай) – бэс ыйын 7 күнэ

История, физика – бэс ыйын 11 күнэ

Обществознание – бэс ыйын 15 күнэ

Омук тыллара (суругунан), биология – бэс ыйын 18 күнэ

Омук тыллара (тылынан) – бэс ыйын 21, 22 күннэрэ

Информатика уонна ИКТ – бэс ыйын 24, 25 күннэрэ

Эрэсиэрбэ күннэр (география, литэрэтиирэ, омук тыллара (тылынан), биология, история, нуучча тыла) – бэс ыйын 28 күнэ

Эрэсиэрбэ күннэр (обществознание, химия, физика, омук тыллара (суругунан), математика, информатика уонна ИКТ) – бэс ыйын 29 күнэ

Эрэсиэрбэ күнэ бары биридимиэттэргэ – от ыйын 2 күнэ.

Людмила ПОПОВА, “Саха сирэ” хаһыат, edersaas.ru

Хаартыска: https://pulse19.ru/87794-egje-v-2021-godu-nachnetsja-31-maja-s-jekzamenov-po-geografii-literature-i-himii/ 

 

0
0