Маны аах Сүрүн Тыа хаһаайыстыбата

Бүгүҥҥүттэн – Бүтүн Арассыыйатааҕы тыа хаһаайыстыбатын дьоҕус биэрэпиһэ!

Арассыыйа Федерациятын Бырабыыталыстыбата 2020 сыллаахха атырдьах ыйын 29 күнүгэр таһаарбыт 1315 №-дээх Ыйааҕын быһыытынан, бу дьыл атырдьах ыйын 1 күнүттэн 30 күнүгэр диэри тыа хаһаайыстыбатын дьоҕус биэрэпиһэ ыытыллар.

edersaas.ru

Дойду үрдүнэн ыытыллар бу дьаһал 2005 сыллаахха тахсыбыт «Бүтүн Арассыыйатааҕы тыа хаһаайыстыбатын биэрэпиһин туһунан» федеральнай сокуон чэрчитинэн, тыа хаһаайыстыбатын улахан биэрэпистэрин быыһыгар биэс сылга биирдэ тэриллэр.

Судаарыстыбаннай статистика Амматааҕы салаатын үлэһиттэрэ дьоҕус биэрэпиһи саҕалаатылар

Тыа хаһаайыстыбатын дьоҕус биэрэпиһэ уон сылга бииргэ тэриллэр биэрэпистэр икки ардыларынааҕы кэмҥэ тыа хаһаайыстыбатын бас билии көрүҥүттэн тутулуга суох бары салааларыгар быһыы-майгы хайдаҕын көрдөрөр официальнай статистика чахчытын түмэр сыаллаах. Атыннык эттэххэ, дойду аһылык өттүнэн куттала суох буолуутун хааччыйыыга тэриллэр дьаһаллар стратегияларын ылынарга тирэх буолар.

Раиса Сибирякова, «Саха сирэ» хаһыат, edersaas.ru

0
0