Сүрүн Уопсастыба

Бүгүҥҥү сүрүн сорук – быһыыны ылыы

Ольга Балабкина брифиҥҥэ туох туһунан эттэ. Манна ааҕыҥ.

Бүгүн коронавирус дьаҥын бохсууга өрөспүүбүлүкэтээҕи суһал штаб салайааччытын солбуйааччы Ольга Балабкина уочараттаах брифинин ыытта. Кини өрүү буоларын курдук, бүгүҥҥү күҥҥэ хас киһи дьаҥҥа хаптарбытын чопчулаата. Ол курдук, коронавирус саҥа дьаҥар 120 киһи хаптарбыт. Олор истэригэр Дьокуускайга – 38 киһи, Мииринэй оройуонугар – 23, Алдаҥҥа – 17, Нерюнгригэ – 11, Мэҥэ Хаҥаласка – 6. Атын сорох оройуоннарга 1-тэн 4 диэри киһи ыалдьыбыта биллибит.

Мииринэй, Алдан, Нерюнгри оройуоннарыгар ыалдьыы туһунан тохтууругар Ольга Валерьевна бу улуустарга суһал штабтар үлэлэрин күүһүрдэллэригэр эттэ. Чуолаан, СӨ Ил Дарханын ыарыыны бохсууга туһуламмыт ыйааҕын тутуһалларыгар ыҥырда.

Лабораториялар суукка устата 1782 чинчийиини ыыппыттар.

Билигин өрөспүүбүлүкэ үрдүнэн быһыыны ылыы бара турар. Биллэрин курдук, бэҕэһээ өрөспүүбүлүкэ баһылыга Айсен Николаев быһыы ылбыта.   Суукка устата 2398 киһи быһыы ылбытын эттэ.

О.Балабкина билигин саамай сүрүн сорук – быһыыны ылыы диэтэ. Маны кини ордук аҕам саастаах уонна олохсуйбут ыарыылаах дьоҥҥо туһаайда. “Эһигини бары эмп тэрилтэлэригэр ыҥырабыт. Быһыыны ыларга суруйуохтара уонна ылыаххыт”, — диэтэ суһал штаб салайааччытын солбуйааччы бэйэтин түмүк тылыгар.

Бэлэмнээтэ Женни Стрюкова

Хаартыска: интэриниэттэн

0
0
Telegram Whatsapp

Добавить комментарий