Бүгүн, ахсынньы 17 күнүгэр, Москва бириэмэтинэн 12.00 чааска (Саха сиринэн — 18.00 чааска) дойду бэрэсидьиэнэ Владимир Путин сыллата ыытыллар улахан пресс-кэмпириэнсийэтэ саҕаланыаҕа.
Иһитиннэрэр-биллэрэр эйгэ үлэһиттэрин кытта быйылыгы кэмпириэнсийэ саҥа киэбинэн ыытыллыаҕа. Судаарыстыба баһылыга суруналыыстары кытта Ново-Огаревоҕа баар резиденциятыттан тэйиччиттэн олорон быһа сибээһинэн кэпсэтиэҕэ.
Кэпсэтии кэмигэр быһа лиинийэ үлэлиэҕэ. Бу тэрээһин коронавирус дьаҥа туран ыытыллыбатаҕа. Бэрэсидьиэҥҥэ ыйытыылары төлөпүөн сыһыарыытынан ыытыахха сөп этэ.
Суруналыыстар пресс-кэмпириэнсийэҕэ Москваттан норуоттар икки ардыларынааҕы атыы-эргиэн кииниттэн, итиэннэ федеральнай уокуруктарга тэриллибит анал былаһааккалартан видео-сибээһинэн кыттыахтара.
Тэрээһини «Россия 1», «Россия 24», «Бастакы», НТВ ханаалларга быһа көрүөххэ сөп.
edersaas.ru