Култуура Маны аах

Бүгүн Таҥха таҥхаланыа, билгэ билгэлэниэ

Тохсунньу 15 күнүгэр киэһэ 17 чаастан, хас сыл аайы буоларын курдук, Өксөкүлээх Өлөксөй аатынан Норуоттар доҕордоһууларын дьиэтэ Таҥха тэрээһиннэригэр күүтэр.

edersaas.ru

Бу күн көрөөччүлэр таптаан истэр ырыалара ылланыахтара, саҥа сылга үктэнэн алгыс сиэрэ-туома, Таҥха оонньуулара оонньонуохтара, сээркээн сэһэнньиттэр, үһүйээни кэпсээччилэр түмсүөхтэрэ.

Дьыл эргииринэн өбүгэлэрбит олохтообут үйэлээх үгэстэрин утумнуур киэһэҕэ билгэлиир, алҕыыр дьоҕурдаах ураты дьон санаалары сайҕаан, эрэл кыымын саҕыахтара. Түөрэх түһүө, Таҥха таҥхаланыа, билгэ билгэлэниэ. Остуоруйаһыттар, номоҕу, үһүйээни кэпсээччилэр, сэһэнньиттэр күөн көрсүөхтэрэ.
Зарианна Горохова иилээн-саҕалаан ыытар «Эргэ саҥа дьыл түһүлгэтигэр» эстрада ырыаһыттара, «Көөчөөн көрө» норуодунай тыйаатыр артыыстара, «Күндээрэ» вокальнай ансаамбыл, М.Эверстова-Обутова аатынан Култуура киинин айар кэлэктиибэ уо.д.а. кыттыахтара.

Надежда ЕГОРОВА, «Саха сирэ», edersaas.ru

0
0
Telegram @edersaas20