Бүгүн уонна сарсын, сэтинньи 19-20 күннэригэр, Дьокуускайга 203-с микро-түөлбэҕэ баар Smart-бибилэтикэҕэ уонна Юрий Гагарин аатынан Култуура киинигэр 17.00 чаастан 22.00 чааска диэри коронавируһу утары быһыыны ылар «Вакцинация түүнэ» аахсыйа ыытыллыаҕа. Манна 1-кы №-дээх поликлиника быһыыны туруорар пууннара үлэлиэхтэрэ.
Эбии пууннар туох баар санитарнай-эпидемиологическай ирдэбили тутуһан тэриллиэхтэрэ. Быһыыны туруортарыан баҕалаахтар пааспаргытын, полискытын, СНИЛС-кытын илдьэ кэлэргит наада. «Гамковид вак» («СпутникV»), «Ковивак» вакциналары ылыаххытын, «Спутник лайт» вакцинанан ревакцинацияны ааһыаххытын сөп.
Юрий Гагарин аатынан Култуура киинигэр быһыыны ылбыттарга оҕолорго анаан буолар Саҥа дьыллааҕы утренникка чэпчэтиилээх купуон бэриллэр. Оттон Smart-бибилэтиэкэҕэ быһыыны ылбыттарга ЛитРес-ка регистрацияны уонна ааҕааччы билиэтин босхо оҥоруохтара.